「轉機」編輯部潮人DJ少爺占（阿占）最近化身前主播方健儀（Akina）的御用形象指導，二人同遊太古城中心，實行幫Akina一改以往老正的形象和風格。出身於播音界的阿占與新聞界出身的Akina首次合作，破天荒聯手拍攝以時裝為題的宣傳短片，擦出無限火花，爆笑連場。
從小於港島區成長的阿占自言「蒲開太古城」，非常熟悉商場內的時裝店舖，對於幫Akina形象大改造充滿信心。而近日積極做運動保持體態的Akina，幕前工作浪接浪，加上阿占教路襯衫，將Akina由主播變女神，實行省靚招牌。Akina笑言：「其實我私底下同返工都好老正，比較單調；所以想喺平時嘅造型上花啲心思，今次搵咗阿占幫手，發掘我嘅另外一面俾觀眾。」
經阿占一番指導下，Akina一洗大台主播味，初嘗Deep V高貴Party造型；另外，一身法式造型，彷如Netfilx熱播劇集《Emily in Paris》的女主角般時尚帥氣，現場招來不少途人合照。Akina一共嘗試了五種風格不一的造型，擺起model pose來亦非常自然，甚具星味，成功由正經主播逆襲成潮流女王！
同樣貪靚的潮人阿占，拿起秋冬新裝，作狀要跟Akina著起同款女裝，一較高下。兩人初次合作，問到Akina對少爺占這位鬼馬貪玩的形象指導有何評價，她說： 「阿占係暖男嚟！好細心，知道我返office怕凍，特登幫我揀件靚靚外套返工著。」阿占亦表示：「Akina其實好玩得，今次幫佢襯咗幾個look，聽到啲途人話：『嘩，呢個方健儀嚟㗎？』我都好有滿足感。未埋位時，佢仲向我share好多主播心得。」
兩人宣傳短片已於太古城中心社交平台播放，由即日起至11月23日，商場推出一連三週的「裳．賞」時裝週，Akina對於可以半價優惠券入手秋冬新衣感到非常興奮：「呢個少爺占，係咁慫恿我買。不過真係好抵，而家嚟太古城中心用電子優惠券購物，可以有半價優惠；即場買嘢又有各種禮遇；LIVE+會員仲有額外獎賞！所以我買得好暢快！」Akina更會趁結婚10週年，與老公在太古城中心盡情購物慶祝一番！
Facebook Comments